Internship

جميله جدا مشاركات تجاربكم والله احس فيه نقاط مره مهمه اضفتوها ..

 

بالنسبه لتجربتي في الامتياز ..

 

🌹وضوح الهدف في اختيار المستشفى للتدريب

 

قبيل تخرجي … قد اكون اكثر طالبه خبره بالمستشفيات وفي مختلف مناطق المملكه (كنت كل مارحت الصيف اجازه مع اهلي تدربت شهر بمستشفى المنطقه)

 

عشان كذا كان عندي تصور كامل عن مواصفات المستشفى اللي ابي اتدرب فيه

١- لا يقل عن ٥٠٠ سرير

٢-ان يكون شريان المنطقه

٣-ان يكون من المستشفيات اللي سبق ان جربتها لاني ابي اوفر وقت اثبات وجودي مقابل ان ارفع من جوده تدريبهم لي ومنحي فرصه العمل

and getting my hands dirty

٤-يكون موظفينه اجانب

 

#همسة_سريه

لاتربط نفسك بمستشفى المنطقه .. من تجربتي .. قد يمنحك المستشفى سكن خلال فتره تدريبك اذا تقدمت بخطاب لمدير المستشفى وكان خطاب #بطل ☺️

 


 

🌹الاستعداد المسبق

بعض المستشفيات بالذات العسكريه لاحظت يهمهم المقابله الشخصيه

بالتالي انت لابد تكون ذكي في الاستعداد

اكثر شي اكرهه لمن ادخل في حوار مع احد عن الاقبال على امر جديد واستعداده ويقول لك (تساهيل) .. كل شي تستعد له اداءك ونتايجه يرتفع اكثر

قبل نقبل ع الزواج نقرا عنه .. قبل ننجب نقرأ عن الحمل والامومه .. بعد الولاده نقرأ في التربيه .. هكذا هي الحياه .. نتعلم قبل اي مرحله بالقراءه .. بالبحث .. بسؤال من هم اعلم واكثر خبره

 

المقابلات الشخصيه العامل الاكبر فيها هو دراسه شخصيه المتقدم .. قليل يختبر معلوماتك وقت المقابله .. وان حاول يختبرها فلا اعتقد انها تشكل اكثر من ٣٠٪ من القرار

لان اللي يبي يختبر معلوماتك .. يضعك في اختبار فعلي

ف مهم تحط ببالك

how you present yourself

مهم بعد تقرأ عن المستشفى نفسه .. عن قسم الاشعه .. واقسامه

عن من هم رؤساء الاقسام مثلا

وقت المقابله لابد يكون هدفك واضح .. واذا انسألت عن اهدافك المستقبليه او ماذا تتوقع في نهايه تدريبك لابد تعرف كيف تجاوب .. اذا سبق لك التدريب في نفس المستشفى وانسألت عن تدريبك .. لازم تكونبروفيشونال في طرح رأيك بعيدا تماما عن المشاعر  وعن الاشخاص .. هذا الوقت الغلط للتشفي 😊

 


 

🌹فترة الامتياز

بالنسبه لتدريبي تعمدت ان اختار شهر لكل قسم علما بان قسم

Ultrasound

طلبت من المستشفى يقسمونه شهر بين قسم الراديولوجي وشهر في الOBS/GYNE

لاني وقت تدريبي ايام الدراسه لاحظت مايجيهم من النساء والحوامل الا الحالات الكومبلكس

وهذي نقطه مهمه

 

وكلام ابو رسيل صحيح ١٠٠٪ .. انتو الان ستيودنتس وفي الواقع ماعندكم الخبره الكافيه

to make this judgment 

ع باقي الاقسام .. وانك مو انترستد

جميل ان يكون تدريبك على كامل الاقسام ….. ويكفيك مستقبلا انك تتخصص بناءا ع وظيفتك وتشيخ وتعمّر بالقسم اللي واقع في غرامه

والاجمل انك تطلب من رؤساء الاقسام يعطونك ريكومنديشن لتر او شورت ريبوت عن اداءك والاشياء اللي تم تدريبك عليها

فيه بعض النصايح اللي وجهتها لطالب بقروب الرنين اشتكى من تدريبه فتره الامتياز – واحس انها مهمة جدا جدا – ان الطلاب ينتبهون لها ولا يسئون الظن في الستاف

 

كان ردي كالتالي:

 

(((((((( .. انت كطالب امتياز جديد على الساحه ماااااااااااتتخيل ضغط العمل في المستشفى .. وانت بالنسبه لهم عبء هم في غنى عنه

 

ف اللي انصحك فيه وقت التدريب :

 

-شل معاك نوته طووووول الوقت بيدك ومعك قلمك بجيبك

 

-خلك صنم وقت الشغل والضغط واكتب ملاحظاتك في النوته بدون ماتسأل ولا سؤال .. اكتب كل شي تحس انه مفهوم .. وكل اسئلتك لغير المفهوم.. صور بجوالك الاشياء اللي تحتاجها

عشان تذكرك بعدين اما تبحث عنها او تسأل عنها

-اذا وجدت ان فيه وقت فراغ كلكم رايقين فيه مع التكنولوجست ابدأ اطرح اسئلتك عليه بدون ضغط .. اعتمد انك ترجع لمراجع وللنت قبل تحتاج انه يشرح لك .. يعني كثير اسئله هنا ننسأل اياها تكون متوفره اونلاين بصوره سهله جدا

-احرص على بناء علاقات اجتماعيه قبل كل شي .. كن لطيف معاهم .. تودد بلطف .. جب شوكلاته .. قهوه .. اذكرهم في البرثدايز بكرت .. اذا شفتهم مضغوطين .. متضايقين .. تجنبهم .. عدم استفادتك يوم او كم ساعه لن يدمر تعليمك

او تدريبك

– Dont forget the magic words excuse me , please and thank you)

استخدمهم طول الوقت

 

– الابريشيشن❤️ .. كثر ما تحسسهم بالامتنان وانك مقدر عطاءهم مهما كان كثر مايحترمونك ويعطونك .. لا تنسى انه لا يتلقى اي مقابل  لقاء تدريبك بالتالي ان ماكان عنده حس احتساب الاجر عالي .. لن يهتم

ف ماهو خسران في الواقع ولا هو مستفيد ..هو متفضّل عليك باي شي بسيط يوجهه

– قم بالاعمال البسيطه جدا عنهم .. لاتزاحمهم في الادوار الكبيره .. اذا هو يسوي بوزشن للمريض انت جب البطانيه .. جب الKnee support

سو اي شي يوفر وقت الموظف .. مع الوقت يبدا يعتمد عليك ف الامور الاكبر .. خلك نبه من هالناحيه

بالاخير تذكر … انت صاحب الحاجه .. محد بيحرص في الاخير عليك الا نفسك .. فتعلم تعلّم نفسك بنفسك ))))))

 

Leave a Reply

Your email address will not be published. Required fields are marked *