Gradients and K-space

هذا السؤال وجهه زميل لنا في قروب الرنين بالتليقرام

 

ممكن احد يشرح لنا عملية الكيس بيس

جوابي وشرحي بالعامي البسيط

بالنسبه لل #Kspace

 

فكر كالتالي:

انك تحتاج الى مكان (سلة) تجمع بها محصول الامجنق .. هذي السله تبي فيها البرتقال بمكان محدد والليمون بمكان محدد
عشان ترتب البرتقال والليمون ع شكل هلال مثلا بالسله تحتاج الى بُعدين
بعد افقي وبعد عامودي
و ع هالاساس ترتب محصولك

هذا بالضبط اللي يصير في الكي سبيس

نجمع سيقنال من كل ايكو تصدر من السبين (البروتونات) اللي متجمعه ع الترانسفيرس

——

الان وين الاشكالية ؟

 

هي كيف نعرف كل سيقنال منين جايه ؟ اذا كان الاكسايتيشن للجسم كامل والبروتونات بالجسم كامل؟

هنا يجي دور القريدينتس .. هم اللي يصنعون لي هالفروقات المكانية بين السيقنال .. كيف؟

 

اول شي اعطي اكسايتيشن ٩٠+ اشغل السلايس سيلكت قريدينت

🌸صوره رقم ١🌸

كذا اكون سويت اكسايتيشن للسلايس اللي ابي مختلفه عن باقي الجسم ليه ؟ لانها تحت تاثير القريدينت بينما باقي الجسم لا

بعدين انتظر شوي
واشغل
phase encoding gradient
واطفيه … ليه ؟ لان السلايس اللي اخترتها الان لها بريسشن ثابت وانا ابي اغير اتجاهها .. ليه ؟ لاني ابي احدد موقعها اعتمادا ع الاتجاه حق البروتون
الان صار عندي تحديد موقع السيقنالز من لاين واحد من الكي سبيس (غالبا)

🌸صوره رقم ٢🌸

لاحظ اقصى اليسار كانو كلهم نفس الاتجاه ولاحظ يمين كيف بدو كلن يصلي بقبلته حسب القريدينت امبليتيود

اصبر شوي ما اشغل الفيز لاني ابي اشغل ال
frequency encoding gradient
بحيث يغير لي من الفريكونسي للبريسشن حق البروتونات .. وكذا كل سيقنال تطلع من كل بيكسل على خط واحد من خطوط الكي سبيس لها ابعاد افقيه وعموديه

 

عشان انتقل للسطر الثاني من السله .. احتاج اشغل
phase encoding gradient
واطفيه
ثم اشغل
frequency encoding gradient
واسجل الايكو

🌸صوره رقم ٣🌸

الان لو تدقق بالصورة بتشوف ان السبين اقصى اليسار (الدواير) اتجاهها واحد لكن الفريكونسي (معدل دورانها) مختلف وهنا راسمينه ع سماكه اسهم سودا مختلفه حسب سرعه البريسشن .. الاتجاه موضح باسهم رمادية  داخل الدواير

في الواقع طبعا مو انت اللي تسوي كذا .. هذا كله ديجتايزد = شغل كمبيوتر

ويكون نوعا ما شبيه بهالسيناريو اللي صاير بالصورة

🌸صوره رقم ٤ 🌸

لاحظ اول سطر فوق لو كانت السيقنال جايه من الفيز بدون الفريكونسي قريدينت ولاحظ يوم فرقناهم بالفريكونسي قريدينت صار عندي فعليا بُعدين ثنائية للسيقنال من السهل توزيعها..لاحظ البعد الثالث بالمنحنى يمين

——-

 

طيب نجي لموضوع الكونتراست والريزولشن حقت الكي سبيس

 

لو فكرت بالسله من البعد الثالث وهو الحقيقي انها ثلاثيه الابعاد .. راح تلاقي ان اغلب السيقنالز تكون متجمعه بالنص بالضبط نفس شكل الايكو الطبيعي

🌸صوره رقم ٤ 🌸 اقصى اليمين لاحظ كيف السيقنال بالاطراف اقل من النص

 

 

 

🌸صوره رقم ٥ 🌸توضح السيقنال الحقيقيه بالبعد الثالث

 

الكي سبيس تحت بينما السيقنال الحقيقيه هي اللي فوق عشان كذا نشوف ان الكونتراست حق الامج جاي من نص الكي سبيس اكثر لان هناك السيقنالز اكثر

 

 

ليه هذا الشكل ؟ … لان الايكو ماهي ستريت لاين .. هي تبدا تتكون تدريجيا بعد ال ١٨٠ لين تصل للذروة (مرحلة الريفيزنق وعودتهم لخط البداية ) بعدين تبدا تقل تدريجيا اثناء استعادتها لحاله الاكويلبريم اللي هي ترجع لل
longitudinal magnetization

 

———————

هذا كله وش نسوي فيه ؟

نحوله from time domain space
to
frequency domain
اي صوره في الحياه .. رياضيا اقدر اسجلها بطريقتين اما
من
map of intensity values (normal space)

or

map of spatial frequency values (k-space)

عرضها كصوره مرئية يتم باستخدام عمليات رياضيه (القورثميه ) وتصير صور لها فوتونات ضوئية باستخدام ال

preamplifier and digitizer

🌸صوره رقم ٦ 🌸

#اشواق
#Kspace
#gradients

Leave a Reply

Your email address will not be published. Required fields are marked *