SocialMdiaVsTime

 

اممممم … مادري صراحة اذا الكلام اللي باقوله يفيد والا لا هههههههه بس عاد ابشارك بتجربتي

 

أنــٍُـٍُ♡ـٍُـٍُـا ما اجد نفسي اعاني من ادمان الانترنت مع ان اللي يتابع مشاركاتي يفكر اني مرابطه على السوشال ميديا ٢٤ ساعه وفي الحقيقه لا

ولا احس انه عدل اني احمل برامج عشان تأدبني وتعطيني تايم اوت ..

ولا اؤمن بالحرمان حلّا ابدا ..  شوية كونترول بس ونصير فل اوبشن ..

أنــٍُـٍُ♡ـٍُـٍُـا نشيطه نوعا ما في اغلب برامج التواصل

حسابات مفتوحه  مثلا

غير موقعي (النايم مؤقتا) … عندي تويتر .. انستقرام .. واتس اب .. يوتيوب .. قوقل بلس

وحسابات خاصه زي

سناب .. تلقرام .. وواتس اب (خاص مختلف عن السابق العام)

 

تجربتي هي .. 

***لا للنوتفيكشن ات اوووووووول… ولا شي في حياتي مفعله فيه تنبيهات .. اول مابديت الدكتوراه كنت حاطه بالايميل تنبيه VIP لمشرفيني .. بس الغيته بمنتصف الدكتوراه

 

مافيه شي ابدا ضروري بالحياه وعن طريق السوشال ميديا

 

فيه اشياء توصلني ع الايميل بس بدون تنبيه

 

بالنسبه لي هذا رقم ١ تجاه تحسين استخدام الانترنت بدون مرابطه … ليه ؟

 

لان حتى لو كنتي كل دقيقه تشيكين .. في الواقع اذا انخرطتي في عمل معين لمده تتعدى ال٥ دقايق بتشوفين انتس

دخلتي مرحله ال

Flow

و اندمجتي وتمر الساعه بالراحه بدون ماتمسكين الجوال .. تخيلي في منتصف شغلتس يجيتس تنبيه !!

Distracting

بترجعين لنقطه الصفر… اوقفيها مهما كانت المغريات والملهيات اللي تقنعتس انها ضروره …. الصراحه بعدها بكم يوم لقيت ان والله الكره الارضيه مستمره في دورانها .. واللي والنهار يتعاقبان .. والوضع اوكي .. بس أنــٍُـٍُ♡ـٍُـٍُـا اللي كنت شايفه ان التنبيهات ضروره وعدمها قد يخل بتوازن الكون

 


 

***الشي الثاني .. أنــٍُـٍُ♡ـٍُـٍُـا مقدر صراحه اوقف السوشال ميديا مثل اخوي زين .. لاني اعتبره

١-باب خير ان شالله…  افيد فيه اللي اقدر عليه

٢-أنــٍُـٍُ♡ـٍُـٍُـا اتعلّم باستمرار من متابعه الحسابات التخصصيه

٣-بالغربه بالذات … احسه بوابه لي اعرف اخبار وطني

٤-يهذبني صراحه .. اتعلم وش اللي يستفز الاخرين واحجم عنه مستقبلا وايش اللي يسعدهم واعتمده

 

عشان كذا أنــٍُـٍُ♡ـٍُـٍُـا مقسمه وقتي بالاسبوع مو باليوم .. لكل برنامج .. احيانا مزاجي بيوم معين ما افتح الا انستقرامي وانزل فيه اللي يجوز لي .. وايام تمر علي مالي خاطر الا لتويتر .. واحيانا (مؤخرا) التليقرام .. وهكذا  .. ..بحيث مايصير نشاطي في كل مكان وبصوره يوميه ..  لكن اني اقطع مره وحده صعبه

 


 

***الامر الثالث

اني استفيد منها في انتقاء المفيد ومشاركته .. ف تصير متابعاتي في الاساس مثمره .. غير ان احيانا تغريده او سؤال من صديقه او حوار في مكان ما يثير فيني الرغبه بالبحث واستفيض في البحث والتحقق قبل الاجابه .. ف هو باب انهل منه العلم في غيرتخصصي احيانا ..

 


 

****ولعل الاغرب هو الشي الرابع :

واللي لاحظته .. ان انجازي (في امور حياتي ودراستي ) وقت انخراطي فيها اضعاف من لو ما استخدمت السوشال ميديا

قبل كنت اشغل نفسي وقت شغلي مثلا على افلام مرضاي اني اسمع مقاطع يوتيوب لبرامج عربيه او يوتيوبرز مفيدين ..

يعني في الواقع ترا اننا نضيع وقت كثير مهدر ان ماكان ع السوشال ميديا ف هو على اشياء اخرى ..

وحتى لو مسكته فرضا ٣ ساعات متواصله “لاشعوري” .. احساسي بالذنب يجعلني احسن استخدام ماتبقى من وقتي باحتراف

 

صرت اذا خلصت وقفلت الجوال ومسكت شغلي انجز في النصف ساعه من التركيز شغل ساعتين “بفهاوتي” المعتاده ..

صراحه صرت اقدر وقتي اكثر ..لاني مابي اخسر قنواتي الاخرى في بحر الانترنت …

 

Leave a Reply

Your email address will not be published. Required fields are marked *