Gap

✅ بالنسبه لنقطه القاب عادة تعرفها من خلال قراءاتك في اللتراتشر ريفيو

🌸 هو عبارة عن سؤال في الريسيرش ايريا حقتك لم يجاب عليه قبلا او او لم يوفى حقه من الاجابه

قد يكون اجيب عليه في مجال بحثي اخر

مثال عشان اقرب لك :

في مرض الزهايمر وجد ارتباط بينه وبين مستوى الادراك المعرفي عند المصابين بالزهايمر

في مرضALS

لم يدرس الارتباط هذا من قبل بالتالي يعتبر قاب لانه محد قبل اثبت انهم لايصيبهم ضعف ادراك معرفي او بلى يصابون والمتضرر هو الدومين هذا وهذا ..

🌸القاب ممكن يكون سؤال انسأل ولم يغطى 

ممكن يكون شي لم يُسأل قبلا (مثلا تو في مؤتمري اللي حضرته بامريكا.. وحده قدمت نتايج بحثها وكان عن تضرر الشبكيه عند مرضى ALS… علما بانه سابقا كان الاعتقاد ان البصر لا يتضرر بالمرض .. هي اثبتت انه يتضرر لكنها غير متاكده ان كان بسبب مشكله في الشبكيه ام تدهور اعصاب البصر في الدماغ)

🌸قد يكون السؤال انسأل من قبل لكن الطرق اللي استخدمت للاجابه عليه ماهي فالد او يكون عندك فكره عبقريه لكيفية اجابته بطريقه مختلفه او 

different approach

 


 

✅منين تقدر تحصل ع القاب:

انا من وجهة نظري …. كثره القراءه بتساعد مخك

 to start develop questions

لكن اذا باعطيك طرف خيط…. باقول لك:

📍 ابدا من سكشن الدسكشن في كل بيبر

دااااايم اخر او الباراقراف قبل الاخير يكون فيه اللمتيشن والفيوتشر دايركشن

او هم الاوثر ايش يرشحون لمستقبلا

كل مره تقراه لخص ع جنب نقاط ضعفهم وكيف يرشحون انها تتغطى

من كل بيبر بيصير عندك لسته وراح تبدا تلاحظ ان اللي كان لمتيشن عند هالفريق .. غطوه الفريق الثاني بس برضو عندهم لمتيشن مختلفه.. وهكذا سلسله قد تطول…

future direction 

قد يساعدك تخطط للهايبوثسيز حقت مشروعك

وايش تبي تسوي بالضبط

لكن اللمتيشن تساعدك تنتبه لنقاط ضعف الاخرين وبالتالي تتفاداها

 


 

📍طريقه اخرى لمعرفه القاب هو السيستماتك ريفيوز

systematic review 

 

هذي اسرع واسهل طريقه .. عيبها انها ماهي من راسك بل من وجهة نظر المؤلفين

لكن كستارتنق بوينت راح تنبهر كيف ماكنت منتبه سابقا لهالنقاط المذكوره

having said that..you have to be careful cause they answer a research question 

 

معناه انتبه ترا القاب اللي حددوه بناءا ع سؤالهم البحثي اللي بسببه سوو الريفيو

مو لانهم غطو كامل الفيلد وحصرو لك القاب


 

📍عادهً بعض الجورنالز عندهم سكشن فيه مقالات يسمونها

Key Concepts

او

State of the Art

 

عباره عن مقالات صغيره يكتبونها فطاحله في التخصص تكون عن التخصص ووش وصل له ووش يحتاج و عن

present debate

هذي برضو تساعد في تكوين صوره عامه عن القابز

 


 

📍فيه موقع لكن للاسف مو كل الجامعات عندها اكسس له

 

Essential Science Indicators

 

فيه اكثر بيبرز سايتد في كل مجال واخر شي في مجالك … يعجبني لانك تعرف منه افضل

influential institutions

او دوله او اوثرز في مجال معين

 

http://thomsonreuters.com/en/products-services/scholarly-scientific-research/research-management-and-evaluation/essential-science-indicators.html

 


 

كطالب دكتوراه مبتدئ انصح بقوه بالاشتراك في الميل لست حقت الداتا بيسز

ميزتها انك تسوي سيرش معين وتقدر تحفظ الMeSH وتسوي اشتراكك على هذي السيرش تيرمز تحديدا

يصير يرسلون لك كل اسبوع اخر ببلشد بيبرز تحت هالمش

كذا تكون ابديتد طووول الوقت

وترا مايقتلونك بكثرة البيبرز يدوب ٢-٥ بالاسبوع تطلع عليهم ع السريع من الابستراكت واللي يعجبك تنزله

 

Leave a Reply

Your email address will not be published. Required fields are marked *